Um Hraðbraut ehf.
Hraðbraut ehf., sem á og rekur hradnam.is, stofnaði á sínum tíma Menntaskólann Hraðbraut eða Hraðbraut sem var rekinn árin 2003 til ársins 2012.

Sérstaða Hraðbrautar fólst í því að útskrifa stúdenta á aðeins 2 árum. Tókst skólanum það með nýju námsfyrirkomulagi. Breytingin fólst m.a. í því taka upp 6 vikna lotukerfi þar sem kenndar voru aðeins þrjár námsgreinar samtímis í stað þess að kenna 5 – 7 námsgreinar samtímis í heila önn eins og gert var í öðrum skólum. Á þessum árum útskrifuðu aðrir skólar stúdenta á 4-6 árum. Fram að þeim tíma að Hraðbraut tók til starfa var það talið með öllu óhugsandi að stytta nám til stúdentsprófs. Þegar Hraðbraut hafði stytt námstímann í 2 ár varð ljóst að fjögurra ára námstími var óskynsamleg meðferð á tíma ungmenna. Í framhaldi af því var stúdentsnám í öllum skólum stytt í þrjú ár.

Hraðbraut útskrifaði átta árganga af stúdentum, alls um 500 stúdenta. Starf skólans gekk vel og nemendur voru vel undir háskólanám búnir. Mikil ánægja var með skólann meðal nemenda og starfsmanna. Skólinn hætti störfum árið 2012 þegar ráðherra synjaði skólanum um endurnýjun á þjónustusamningi. Ástæðan var aðallega sú að eigendur skólans, sem þá voru Nýsir hf. og Gagn ehf., höfðu greitt arð út úr Hraðbraut ehf., eignarhaldsfélagi skólans.

Velkomin(n) á síðu hradnam.is

Öll erum við í slag sem ekkert okkar vinnur. Það er slagur okkar við tímann.

Ég lofa þér þó því að þátttaka á þessu námskeiði í hraðnámi, mun gera hlut þinn betri í þeirri baráttu.

Ég þykist vita að þú ert hingað komin(n) vegna þess að þig langar til að breyta til í lífinu, ná betri árangri í námi eða starfi, hefja nýtt nám, ná betri árangri við þjálfun í listum eða íþróttum eða einhverju öðru sem skiptir þig miklu máli.

Ef þú hefur kjarkinn til að stíga skrefið munum við kenna þér aðferðirnar. Nýr ferill þinn getur byrjað í dag með ákvörðun um að gera betur en þú hefur gert til þessa. Stígðu skrefið og skráðu þig á námskeið hér og nú!

Á námskeiðinu muntu á þremur vikum læra námsaðferðir sem engum hugkvæmdist að kenna þér í nokkrum skóla sem þú hefur gengið í. Þú munt læra aðferðir sem hinir mestu snillingar hafa beitt til að ná einstökum árangri. Aðferðirnar, sem eru byggðar á rannsóknum margra helstu fræðimanna veraldarinnar á 21. öldinni, eru nú þegar þrautreyndar af nemendum sem náð hafa frábærum árangri í námi, starfi, listum og íþróttum, samhliða kröftugri virkni í félagslífi, góðri hvíld og svefni; með öðrum orðum, með miklu minni fyrirhöfn.

Það sem við kennum þér byggist á rannsóknum þekktra fræðimanna og okkar um lestur, nám, vinnu og þjálfun.

Það er sannfæring okkar að færni þín, eftir að hafa lokið námskeiðinu, muni létta þér nám og starf í framtíðinni!